درايش : صفارة النهاية!

نشر في 19-04-2019
آخر تحديث 19-04-2019 | 00:19
 وضّاح تسابقوا في آخر الشوط "فرسان"

كلٍ يبي يسجّل "هدف" من نصيبه

حتى الذي معروف نايم وكسلان

قلبه انخطف، حَس النهايه قريبه!

وذاك "المدرّب" حرّك فلان وفلان

قال الهدف إن ما تصيبه... مصيبه

لعب الكرَه وسط البرايح مسيّان

أكيد ياتي في نتايج غريبه

من غير ضو الكل لا شك خسران

وجمهورهم قط الدلو في جليبه

ضاعت بلد ياللي تدوّر وحيران

وما كل شي إن ضاع تقدر تجيبه

back to top