درايش : ترتيبات وسوالف وإشاعات!
نشر في 17-09-2018
آخر تحديث 17-09-2018 | 00:18
بشّرينا شنهي أخبارچ ي ديره؟ ومنهو حط اليوم من ربعچ وشال؟!نسمع وننفي بنياتٍ غريره علّمينا الصچ من چذب الخيالوإن سألنا في مواضيعٍ غزيره المحبّه دوم أوّلها السؤال من يحب يسأل وأسئلته كثيره واللي ما يسأل ترى ب قلبه اهمال عِز منهو كالفشق عندك ذخيره يزعجك بالصچ لا شاف الخمال ما يجامل، ما يخوّن في ضميره حتى لو تزعل فلا يقطع حبال نسمع إيقولون في الساحات شِيره وللنمل هاليوم مفتوح المجال ونسمع إيقولون خطواتچ عثيره والسبب هوشات ما بين العيال ونسمع إيجيبون "للتغريد"سِيره هذا ضد فلان ويّا فلان مال ونسمع إيقولون من عقب الحصيره"العضو" في "البرج" ظلّه اليوم طال مو زمن تومان وإلا صرف ليره ومو احزاب... أحزاب نقد وصرف مال ومن جمع خدّام لا يامن مصيره يقلبون إن صار في الساحه نزال و"اشْجره" ك "الدر" كم كانت قديرهماتت ب إيد الخدم ضرب النعال! وانتِ درّة تاج في الدنيا وأميره منتي عاقر لا... ولاّدة رجال وينهم هاليوم والساحات حِيره ليش قفرا الدار والموسم قفال؟! اجْدري والكل ما يامن ل جِيرهقافل البيبان في حاله ل حال ومشكله الأعداد لا صارت كبيرهوما لقيت بيوم من يصلح مثال!!
