درايش: أخطر غزو...

نشر في 03-08-2018
آخر تحديث 03-08-2018 | 00:14
 وضّاح ياليت كل اللي سرق يوم يا ليت

يكتَب على أعلى جبينه "حرامي"

وإذا مشى - لو ليل - يلمع من الزيت

مثل العلامه فوق لوحة أسامي

حتى نميِّز لا غزونا الطواغيت

إللي حمى... أو يدّعي إنّه يحامي

أكثر "جماعات البطوله" سرابيت

إلا عن النادر أرد اتهامي

وأخطر غزو للدار من داخل البيت

إذا خوالي ناهبينه وعمامي!

والكارثه... صارت قيَمنا فتافيت

والسور واطي... وأقبل السيل طامي!

back to top