درايش : من حولنا دخان!

وضّاح

نشر في 11-05-2018

وضّاح

خلوا استجواب الجماعه على صوب

وشوفوا شنو مكتوب باچر علينا؟!

الوضع من حول البلد صار مقلوب

وانتم على استجوابكم ساهرينا

لا "هند"...كرسيها طلع صج مسحوب

ولا "بخيت"، وكلهم سالمينا

لكن شرارٍ طار لا يحرق الثوب

قرَّب لنا في الدار يا غافلينا

منهو يخطط إن حصل شي وينوب

ومنهو اللي يبني "السور" منّا وفينا

لاهين والدنيا ملَت جوّها حروب

ومدنْقين بروسنا ما درينا!!