درايش : اللولو

حذراك لا يسري القلم في يمينك

وتروح في غبّات سودا من اليَم

واحذر ترى هْزال المعاني تدينك

وانت الذي بـ سْمانها كنت تهتم

قرِّب وشُوف وقلّبه في إيدينك

ما عمرنا اللولو خبرناه بالشم

وإن عاسرك وقتك عسى الله يعينك

عزْمك وفكرك هُم لك الخال والعم

تلقى خَويْ قبل الأُخو... عند عينك

ماكل فزعاتٍ تجي لرابط الدم

بالعكس تثبت لك تجارب سنينك

بعض القرايب قربهم منْقع السم

ورزّ الشموس العاليه في جبينك

وإيّاك تتركها ولو ضايقك هَم

ولا تأخذ التعميم شرعك ودينك

الشر يخص والخير من عادته يعم

وعمرك ترى "عدّاد" زينك وشينك

بالعد يوقف لا حسَب حسْبته وتم

وإيّاك تسأل لا نشف ماي عينك

كم وصّل العدّاد وإلاّ بقى كم