صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 3984

رئيس التحرير خالد هلال المطيري

درايش : سنة تخزين الزقاير!

  • 21-02-2018

علِّمونا وين تخزين الزقاير

دِرْنا في كل الشوارع ما لقينا

دايرين وچننا نرسم دواير

تالفه الأعصاب... دِخْنا وانتهينا

والعقل دخّان في هالجو طاير

لعنبوهم ما دروا فينا استوينا!

الله أقوى يا مْرّبطة الصراير

ليت من يصعد وينثر هالسفينه

ويا علي البقّال يا نسل الحراير

يرحم الله والديك ووالدينا

خِش لي باكيت متروس الذخاير

وإن توفّر كرز... لا تبخل علينا

لا وزير يقول في الديره شصاير

لا وزاره تنتبه وتحس فينا

وحال "هالمسؤول" مدري شلون صاير

يشكي منْهم... عندنا، كل ما اشتكينا!!