صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 3751

رئيس التحرير خالد هلال المطيري

درايش : باب

  • 03-01-2018

لا فتحت الباب.. إثْبِت لا تهاب

واحْتِمِل ما جاك من عصف وهبوب

دام عارف للهوا المجنون باب

لا انصحوك تتوب.. إحذر لا تتوب

يا "قرار" الصوت ما عندك "جواب"

لو رفعت الصوت في الظلمه تذوب

الكلام الحر.. تدفع له حساب

وتضحياتك... مالها شخصٍ ينوب

من سعى للعز يصبر للحراب

لو ضلوعه موَسِّمه فيها ندوب

ومن يبي السهلات مو قاوي الصعاب

لا يِمَنّي النفس عسرات الدروب

تدري إن الناس تطوى كالسحاب

والحوادث شمس ما تنوي الغروب

ودنيتك - لا شك - مو صفحة كتاب

جزلة الألفاظ.. ما فيها عيوب!