صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 3935

رئيس التحرير خالد هلال المطيري

صمتي وجعني

  • 06-08-2010

بالله يا راعي المناقيد دعـني

مانيـب تاجر والقصايد بضاعه

حـرام أعـود واتبـع اللـي تبعني

وحرام أقول ازريت عقب استطاعه

سكت لين اونست صمتـي وجعنـي

وجمال شعري زاد صمتـي بشاعه

والشر سيف (ن) ما قطعته... قطعني

والخير في قلبـي شعـور وقناعـه

والطيـش يا مـا للمكاسـب دفعنـي

والصبر في بعض المواقـف دناعـه

وان قلت... انا باقول... واقول واعني

بالقول طلت اللي يعسـر الشجاعه

انـا نفعـت الشعـر لـو ما نفعني

ما خلف هذا الجوع غيـر المجاعه

شعري شعوري صانعـه ما صنعني

الشعر عنـدي روح قبل الصناعه

عندي تساوى مدحهـم لي ولعني

جمع (ن) عسى ما يجتمع له جماعه

كان النسب عـن الردا ما رفعني

ساويت في طيب النسب والوضاعه

وان كان قلب اللـي احبـه وسعني

ما همني ضيق الزمن واتساعه