صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 3907

رئيس التحرير خالد هلال المطيري

الكتابة نوح

  • 25-07-2008

توجعت فـي صمتـي لأن الكتابـة نـوح

نسيت القلـم والا القلـم صعـب ينسانـي

ما بين أفضحك مستور والا أسترك مفضوح

بكى دفتري يـا قاهـر الصمـت وابكانـي

أبيعك بليله غـاب عنهـا القمـر للبـوح

ويشريك مـن نظراتهـم طـول كتمانـي

أعلي جروحك فـوق لا طيحـوك جـروح

وانزلك وإن ضاق الفضاء فيـك وجدانـي

أنا من معاذيرك وأنا المخطـي المسمـوح

ومن قبـل تخطـي طالتـك يـد غفرانـي

خطاك البحر يا عذب منك الخطـأ مملـوح

خطاي إنـي الغرقـان والمـوج يجفانـي

لك الضحك ما دام الليالي عتـب ومـزوح

ولي الدمع لا غابوا عـن العيـن خلانـي

كتبتك وكني نازعك مـن حشـاي الـروح

قريتـك ولكـن الـورق فيـك مـلانـي